మానవుని జీవితం పై శ్రీ నవగ్రహములు ప్రభావం వాటి నివారణ కు మంత్రాలు

wowitstelugu.blogspot.com

మానవుని జీవితం పై శ్రీ నవగ్రహముల ప్రభావం వాటి నివారణకు మంత్రాలు

మానవ జీవితంపై శ్రీ నవగ్రహాల ప్రభావం వాటి నివారణకు మంత్రాలు

మానవుని యొక్క దైనందిన జీవితంలో అనేక సమస్యలు ఎదురవుతూ ఉంటాయి .​ జ్యోతిష్యం పై నమ్మకం ఉన్నవారు వెంటనే సమస్యకు కారణం తెలిసిన సంబంధిత గ్రహానికి పూజించి  ఆ గ్రహానుగ్రహం పొంది తత్ సంబంధమైన  భాదల నుండి విముక్తి పొందుతుంటారు .    జ్యోతిష్య జ్ఞానం లేనివారు కూడా వారికి కలుగుచున్న కష్టాలకు కార ణం అగు గ్రహం తెలుసుకొని ఆ గ్రహానికి శాంతి మార్గములు చేసుకొని గ్రహ భాదల నుండి విముక్తి​ పొందుతారు .

ఆదిత్యాయచ , సోమయ, మంగళ, బుధాయచ, గురు, శుక్ర, శనిభ్యశ్చ రాహువే , కేతవే దృష్టి ఏ  
గ్రహం వల్ల ఏ ఫలితాలు ఉంటాయో ఇప్పుడు తెలుసుకొందాము... 

సూర్యుడు 

1. సూర్యుడు :

ఎవరి జాతకంలో అయితే రవి బలహీనంగా ఉంటాడో వారికి...

1. అనారోగ్యము ,
2. అధికారుల వేధింపులు ,​
3. తండ్రి లేదా పుత్రుల వ్యతిరేకత ,​
4. నేత్ర , గుండె సంబంధిత వ్యాధులు ,
5. తండ్రి తరుపు బంధువులతో పడకపోవుట ,
6. ఏదైనా సాధించాలంటే పట్టుదల లేకపోవుట ,
7. ఆత్మ విశ్వాసం లేకపోవుట వంటి సమస్యలు

నివారణకు తీసుకోవలసిన చర్యలు...

1. ప్రతిరోజు సూర్య నమస్కారం చేసుకొనుట ,
2. ఆదిత్య హృదయం పారాయణం ,
3. గోధుమ లేదా గోధుమలతో తయా రుచేసిన ఆహారపదార్థ ములు దానం చేయుట .
4. తండ్రి గారిని లేదా తండ్రితో సమానమైన వారిని గౌరవించడం వలన రవి గ్రహదోషము తొలగిపోయి అభివృద్ధి చెందుతుంది .

1. సూర్య మంత్రము:

జపకాలము: ఉదయము

ఓం ఆ కృష్ణేన  రజసా  వర్తమానో  నివేశ  యన్న మృతం  మర్త్యంచ l
హిరణ్యేన  సవితా  రథేనాఽఽ దేవోయాతి  భువనాని  పశ్యన్ ll

(ఋగ్వేదము 1-35..2 యజుర్వేదము 33-43 )

ఓం భూర్భువః  స్వః  సూర్య  ఇహాగచ్ఛ  ఇహ సః  సూర్యాయ నమః
బీజ మంత్రము :-ఓం  హ్రాం  హ్రీం  హ్రౌం  సః  సూర్యాయ నమః

చంద్రుడు 

2. చంద్రుడు:

చంద్రుడు జాతక చక్రంలో బలహీనంగా ఉన్నప్పుడు 

1. మనస్సు నిలకడగా లేపోవుట, భయం, అనుమానం, విద్యలో అభి వృద్ధి లేకపోవుట,
2. తల్లిగారి యొక్క ఆరోగ్యం సరిగా లేకపోవుట,
3. స్ర్తీలతో విరోధము,
4. మానసిక వ్యాధులు,
5. రాత్రులు సరిగా నిద్రపట్టకపోవుట,
6. అధికమైన కోరికలు,
7. శరీరం యొక్క ఎదుగుదల సరిగా లేకపోవుట,
8. బరువు తక్కువగా ఉండుట,
9. స్ర్తీలకు గర్భాశయ వ్యాధులు మొదలగు సమస్యలు 

కలుగుతున్నప్పుడు చంద్ర గ్రహ దోషంగా గుర్తించి,

1. చంద్ర గ్రహ అను గ్రహం కొరకు మాతృ సమానమైన స్ర్తీలను గౌరవించుట,
2. బియ్యం దానం చేయుట,
3. పాలు, మజ్జిగ వంటివి భక్తులకు చిన్న పిల్లలకు పంపిణీ చేయడం,
4. శివునికి ఆవుపాలతో అభిషే కం జరిపించుకొనుట, 
5. పార్వతీదేవి అష్టోత్తరం పారాయణం చేయుట మొదలగు వాటి ద్వారా చంద్ర గ్రహ దోష నివారణ చేయవచ్చు .

2. చంద్ర మంత్రము

జపకాలము: సంధ్యా కాలము
ఓం  హందేవా  అసపత్నం  సువధ్వం మహతే   క్షత్రాయ మహతే  జ్యేష్టాయ మహతే జ్ఞాన రాజ్యాయేంద్ర  స్యేంద్రియాయ l  ఇమమముశ్య పుత్రమముష్యే పుత్ర మస్యై విశాఽ ఎషవోఽ మీరాజా సోమోఽ స్మాకం  బ్రాహ్మణానాం రాజా ll

( యజుర్వేదము 9-40 )

ఓం భూర్భువః  స్వః  చంద్ర ఇహాగచ్ఛ ఇహ తిష్ఠ  సోమాయ నమః ll
బీజ మంత్రము :-ఓం  శ్రాం  శ్రీం  శ్రౌం  సః  చంద్రాయ నమః

కుజుడు 

3. కుజుడు:

ఎవరి జాతకంలో అయితే కుజుడు బలహీనంగా ఉంటాడో వారికి...

1.  ధైర్యం లేక పోవుట,
2. అన్నదమ్ము లతో సఖ్యత నశించుట,
3. భూమికి సంబంధించిన వ్యవహారాల్లో నష్టాలు,
4. కోర్టు కేసులు, రౌడీల వలన ఇబ్బందులు, అగ్నిప్రమాదాలు, వాహన ప్రమాదాలు,
5. పోలీసుల వల్ల వేధింపులు అప్పులు తీరకపోవుట, ఋణదాతల నుండి ఒత్తిడి,
6. రక్త సంబంధించిన వ్యాధులు,
7. శృంగారంనందు ఆసక్తి లేకపోవడం,
8. కండరాల బలహీనత,
9. రక్తహీనత సమస్యలను ఎదుర్కొనే ధైర్యం లేకపోవుట మొదలగునవి.

ఇవి అన్ని  కుజ గ్రహ దోషముగా గుర్తించి కుజ గ్రహాను గ్రహం కొరకు...

1. సుబ్రహ్మ ణ్యస్వామి, ఆంజనేయ స్వామి వారిని పూజించాలి.
2. అలాగే హనుమాన్‌ చాలీసా పారాయణం,
3. కందులు దానం చేయడం, 
4. పగడం ఉంగరం ధరించడం, 
5. మంగళవారం రోజున నియమంగా ఉండడం,
6. అన్న దమ్ములకు సహాయం చేయడం, వారి మాట లకు విలువ ఇవ్వడం
7. స్ర్తీలు ఎర్రని కుంకుమ, ఎరుపు రంగు గాజులు ధరించడం వలన కుజ గ్రహ పీడలు తొలిగిపోతాయి.

3. మంగళ మంత్రము:
ఓం అగ్ని ర్మూర్దా  దివః  కకుత్పతి: పృథివ్యా  అయం l
అపాంరే తాంసి జిన్వతి ll

( యజుర్వేదము 8-44-16; యజుర్వేదము 13-14)

ఓం భూర్భువః  స్వః  భౌమా ఇహాగచ్ఛ  ఇహ తిష్ఠ  భౌమాయ నమః
బీజ మంత్రము :-ఓం  క్రాం  క్రీం  క్రౌం  సః  భౌమాయ నమః
జపకాలము: రెండు గంటల సమయము

బుధుడు 

4. బుధుడు:

జాతక చక్రంలో బుధుడు బలహీనంగా ఉన్నట్లయితే.. 

1. నరాల బలహీనత, జ్ఞా పకశక్తి లేకపోవటం,
2. చదువులో అభివృద్ధి లేక పోవడం, 
3. నత్తిగా మాట్లాడడం, 
4. వ్యాపారాల్లో నష్టాలు, 
5. సరైన సమయానికి సరైన నిర్ణయాలు తీసుకోలేకపోవడం,
6. తెలివితేటలు లేకపోవడం,
7. ఊపిరితిత్తులకు సంబంధించిన వ్యాధులు,
8. అనుమానం, తరుచూ ధననష్టం మొదలగునవి

జరుగు చున్నప్పుడు  బుధ గ్రహ దోషంగా గుర్తించి..

1.  విష్ణు సహస్రనామం పారాయణ చేయడం, 
2. వేంక టేశ్వరస్వామి వారిని, విఘ్నేశ్వర స్వామి వారిని ప్రార్థించుట,
3. వేంక టేశ్వరస్వామి, విఘ్నేశ్వర స్వామి వారికి సంబంధించిన క్షేత్రాలను దర్శించుట,
4. ఆవుకు పచ్చగడ్డి, తోటకూర లాంటివి ఆహారంగా ఇచ్చుట,
5. పెసలు దానం చేయుట,
6. విద్యార్థు లకు పుస్తకాలను దానం చేయట వలన బుధుని యొక్క అనుగ్రహం కలుగుతుంది.

4. బుధ మంత్రము

జపకాలము: ఐదు గంటల సమయము

ఓం ఉద్బుద్య స్వాగ్నే ప్రతిజాగృ హిత్వమిష్టా  పూర్తేం
సంసృజేదామయంచ  అస్మిస్సదస్థే అ

ధ్యుత్తరస్మిన్ విశ్వేదేవా  యజమానశ్చ సీదత ll

 ( యజుర్వేదము 15-54 )

ఓం భూర్భువః  స్వః  బుధ ఇహాగచ్ఛ  ఇహ తిష్ఠ  బుధాయ నమః
బీజ మంత్రము :-ఓం బ్రాం బ్రీం భ్రౌంసః  బుధాయ నమః

గురువు 

5. గురువు:

జాతకంలో గురువు బలహీనంగా ఉన్నచో... 

1. జీవితంలో సుఖము, సంతోషం లేక పోవుట,
2. దైవం పై నమ్మకం లేకపోవుట,
3. పెద్దల యందు గౌరవం లేకపోవుట,
4. ఆచారములు పాటించకుండుట,
5. ఉన్నత విద్యకు ఆటంకాలు, 
6. నియంతగా ప్రవర్తించుట, 
7. ధనమునకు ఇబ్బందులు కలుగుట,
8. ఎన్ని పూజలు, వ్రతాలు చేసినా ఫలితం లేకపోవుట,
9. జీర్ణశక్తి లేకపోవుట, 
10. లివర్‌కు సంబంధించిన వ్యాధులు కలుగుచున్నప్పుడు 

గురుగ్రహ దోషంగా గుర్తించి...

1.  గురుచరిత్ర పారాయణ చేయడం, గురువుల ను గౌరవించుట,
2. దైవ క్షేత్రములు సందర్శించుట, 
3. శనగలు దానం చేయుట, 
4. పంచముఖ రుద్రాక్షను లేదా కనక పుష్యరాగమును ధరించవచ్చును.

5. గురు మంత్రము:

జపకాలము:  సంధ్యా కాలము

ఓం బృహస్పతే  అతియదయోం ఘ్రుమద్ విభాతి క్రతుమజ్జనేషు l
యద్దీదయచ్చ వనఋతుప్రజాత  తదస్మాసు ద్రవిణం దేహిచిత్రం ll

( ఋగ్వేదము 2-23-25 ; యజుర్వేదము 26-3 )

ఓం భూర్భువఃస్వః   బృహస్పతే ఇహాగచ్ఛ  ఇహ తిష్ఠ  బృహస్పతయే నమః
బీజ మంత్రము :-ఓం  గ్రా౦  గ్రీం  గ్రౌం సః  గురవే నమః

శుక్రుడు 

6. శుక్రుడు:
జాతకంలో శుక్రుడు బలహీనము గా ఉన్నప్పుడు...

1. స్ర్తీలకు అనారోగ్యము కలుగుట. 
2. వాహన సౌఖ్యము లేకపోవుట. 
3. భార్యా భర్తల మధ్య అన్యోన్యత లేకపోవుట.
4. వ్యసనము ల యందు ఆసక్తి, 
5. వివాహం ఆలస్యం అగుట, 
6. కిడ్నీ వ్యాధులు, 
7. వ్యభిచారం,
8. మత్తుపానీయాలు సేవించుట,

కుటుంబంలోని స్ర్తీలకు అనారోగ్యము సరిగా లేనప్పుడు శుక్ర గ్రహ దోషము గా గుర్తించి ...

1. శుక్ర గ్రహ అనుగ్రహం కొరకు లక్ష్మీ అమ్మవారిని పూజించుట,
2. లక్ష్మీ స్తోత్రము పారాయణం చేయుట,
3. బొబ్బర్లు దానం చేయుట, 
4. వివాహం కాని స్ర్తీలకు వారి వివాహం కొరకు సహకరించుట,
5. స్ర్తీలను గౌరవించుట. 
6. వజ్రం ఉంగరం ధరించుట, 
7. సప్తముఖి రుద్రాక్షను ధరించుట వలన శుక్ర గ్రహ అను గ్రహము పొందవచ్చును.

6. శుక్ర మంత్రం 

కాలము : సూర్యోదయ సమయం

ఓం అన్నాత్పరిశృతోరసం బ్రహ్మణాన్యపిబత్ క్షం పయః సోమం ప్రజాపతిః l
ఋతేన సత్య మింద్రియం విపానాం శుక్ర మందస ఇంద్ర స్యేంద్రియ మిదం పయో మృతం మధు l l

(యజుర్వేదం 19-65)

బీజమంత్రం: ఓం ద్రాం ద్రీం ద్రౌంసః శుక్రాయనమః

శనిగ్రహం 

7. శని:
ఆయుష్షు కారకులు అయిన శని జాతక చక్రము నందు బలహీనముగా ఉన్న  

1. బద్ధ కము, 
2. అతినిద్ర
3. దీర్థకాలిక వ్యాధులు, 
4. సరయిన ఉద్యోగము లేకపోవుట, 
5. జన సహకారం లేకపోవుట, ఎముకలు,
6. తల్లిదండ్రులలో విరోధములు,
7. ఇతరుల ఆధీనములో పని చేయుట,
8. సేవకా వృత్తి, నీచ వృత్తులు చేపట్టుట,
9. గౌరవం లేకపోవుట,
10. పాడుపడిన గృహముల యందు జీవించుట,
11. ఇతరుల ఇంట్లో జీవన ము సాగించుట,
12. భార్య పిల్లలు అవమానించుట,
13. కుటుంబమును విడిచి అజ్ఞాతముగా జీవించుట, 
14. సరయిన భోజనం కూడా లేకపోవుట  మొదలగు కష్టములు కలుగును.

శనిగ్రహ అనుగ్రహమునకు... 

1. శివునికి అభిషేకము చేయుట. 
2. విష్ణు సహస్ర నామాలు పారాయణం చేయుట.
3. శనివారము నియమముగా ఉండుట,
4. ఆంజనేయ స్వామి వారిని ఆరాధించుట,
5. హనుమాన్‌ చాలిసా పారాయణం చేయుట,
6. హనుమాన్ కు తమలపాకు పూజ చేపిస్తే మంచిది.
7. స్వామి అయ్యప్ప మాల ధారణ చేయుట,
8. శని గ్రహానికి శని త్రయోదశి రోజున తైలాభిషేకం చేయుట. 
9. నల్ల నువ్వులు దానము చేయుట,
10. దుప్పటి..వస్తువులు దానం చేయుట, 
11. నీలము ఉంగరం గాని 
12. నాలుగు ముఖములు గల రుద్రాక్షను ధరించుట వలన శని గ్రహ అనుగ్రహం కలుగుతుంది.

7.  శని మంత్రము :

జపకాలము:  సంధ్యా కాలము

ఓం శంనో  దేవీరభిష్టయ ఆపోవబంతు పీతయే l
శంయోరభిస్ర  వంతునః ll

( ఋగ్వేదము 10-9-4 ; యజుర్వేదము 36-12 )

ఓం భూర్భువఃస్వః   శనై  శ్చరః  ఇహాగచ్ఛ  ఇహ తిష్ఠ  శనైశ్చరాయ నమః
బీజ మంత్రము :-ఓం ప్రాం  ప్రీం  ప్రౌంసః  శనైశ్చరాయ నమః

రాహువు 

రాహువు:
రాహువు జాతక చక్రంలో బలహీనముగా ఉన్నప్పుడు

1. చట్ట వ్యతిరేక కార్యకలాపాలు చేయుట,
2. నీచ స్ర్తీలతో సహవాసము,
3. కుష్టులాంటి వ్యాధులు,
4. జైలు శిక్షలు అనుభవించుట,
5. విద్యార్థులు విద్య మధ్యలో మానివేయుట,
6. పాడుపడిన గృహములలో నివసించుట,
7. ఇంట్లో బొద్దింకలు, 
8. పందికొక్కులు, 
9. పాములు వంటివి సంచరించుట, 
10. శుభకార్యములు వాయిదా పడుట, 
11. వాహన ప్రమాదములు జరుగుట
12. గృహంలో ఎలక్ట్రానిక్‌ వస్తువులు పాడగుట,
13. విలువైన వస్తువులు దొంగలు ఎత్తు కొనిపోవుట, మొదలగునవి 

ఈ విధంగా సంభవించు చున్నప్పుడు రాహుగ్రహ దోషముగా గుర్తించి దోష నివారణకు... 

1. కనక దుర్గ అమ్మవారిని పూజించుట,
2. దేవి భాగవతం పారాయణం చేయుట,
3. గోమేధికం గాని ఎనిమిది  ముఖములు గల రుద్రాక్షను గాని ధరించ వలెను.
4. భవాని మాల ధరించుట,
5. స్ర్తీలను గౌరవించుట వలన రాహు గ్రహ అనుగ్రహం కలుగును.
6. దుర్గా సప్తశ్లోకి పఠించటం మంచిది.

8. రాహు మంత్రం :

జపకాలం :- రాత్రి సమయం

ఓం కయానాశ్చిత్ర ఆభువధూతీ  సదావృధాఃసఖా l కాయాశాశ్చిష్ఠయావృతా l l

(ఋగ్వేదం 4-31-1, యజుర్వేదం 26-39)

ఓం భూర్భువః స్వః రాహో ఇహాగచ్ఛ ఇహతిష్ఠ l రాహవేనమః
బీజమంత్రం:- ఓం భ్రాం భ్రీం బ్రౌంసః రాహవేనమః

కేతువు 

కేతువు:
కేతువు జాతకంలో బలహీనంగా ఉన్నపుడు 

1. మానసిక బలహీనతలు, 
2. అతిభక్తి, 
3. జీవితం మీద విరక్తి,
4. ఏకాంతంగా ఉండాలనే కోరిక,
5. లేనివి ఉన్నట్లు ఊహించుకోవడం,
6. తన లో తానే ఊహించుకొనుట,
7. తనని తాను దేవుడు గానే దేవతగానే ఊహించుకోవడం, 
8. దేనిని చూసినా భయపడడం,
9. ఉద్యోగమును, భార్యా పిల్లలను వదలి వేసి దేశ సంచారం చేయుట. 
10. పిచ్చి వాని వలె ప్రవర్తించుట,
11. విచిత్ర వేషధార ణ, 
12. సంతానం కలుగకపోవుట,
13. గర్భం వచ్చి పోవుట, 
14. చిన్న పిల్లలకు తీవ్ర అనారోగ్యం, 
15. అంటు వ్యాధులు, 
16. వైద్యులు కూడా గుర్తించలేని విచిత్ర వ్యాధులకు కేతువు కారణం అగుచున్నాడు.

కేతు గ్రహ అనుగ్రహం కొరకు...

1. నలుపు తెలుపు రంగులో ఉన్న కంబళి దానం చేయు ట.
2. దేవాలయములు కట్టుటకు విరాళములు ఇచ్చుట.
3. పిచ్చి ఆసుపత్రిలో రోగులకు సేవ చేయుట.
4. అనాధ పిల్లలను చేరదీసి వారికి భోజన సదుపాయము కలిగించుట.
5. వైఢూర్య ము గాని తొమ్మిది ముఖములు గల రుద్రాక్ష ధరించుట వలన కేతు గ్రహ అనుగ్రహం పొందుతారు.

9. కేతు మంత్రం:

జపకాలం :- రాత్రి సమయం.

ఓం కేతుం కృణ్వన్న కేతవేపేశే మర్యా అపేశసే l సముపద్భి రాజాయధాః l l

(ఋగ్వేదము 1-6-3; యజుర్వేదము 29-37)

బీజమంత్రం :- ఓం స్త్రాం స్త్రీం సౌం సః l కేతవేనమః


ప్రతిరోజు సూర్య నమస్కారం చేసుకొని ఇష్టమైన దేవాలయమును సందర్శించినచో ఎటువంటి గ్రహ దోషములు ఉన్నను పరిహారం జరుగును.

"ఆకృష్ణేన'' అను మంత్రముతో సూర్యుని,

"ఇమం దేవా' అను మంత్రముతో చంద్రుని,

""అగ్నిర్మూర్ధా'' అను మంత్రముతో కుజుని,

""ఉద్బుధ్యస్వ'' అను మంత్రముచే బుధుని,

"యదర్య'' అను మంత్రముచే గురువును, 

"అన్నాత్పరిస్రుతః'' అను మంత్రముచే శుక్రుని,

"శం నో దేవీ'' అను మంత్రముచే శనిని,

"కాండాత్‌'' అను మంత్రముచే రాహువును,

"కేతుం కృణ్వన్న కేతవ'' అను మంత్రముచే కేతువును. ధ్యానించవలయును. 

జల్లేడు. మోదుగు, జువ్వి ఉత్తరేణి, రాగి, మేడి, జమ్మి, గరక, దర్భలు, సమిధలు యథాక్రమముగా ఒక్కొక్క 

గ్రహమునకు 108, కాని 28  సారులు  కాని హోమము ను చేయవలయును.

అట్లే తేనెతో, నేయితో, పెరుగుతో, పాలతో కాని హోమము చేయవలయును.

సర్వే జనా సుఖినోభవంతు...

శ్రీ మాత్రే నమః    శ్రీ మాత్రే నమః   శ్రీ మాత్రే నమః

Note: 

అలాగే నా బ్లాగ్  మీకు నచ్చినట్లైతే wowitsviral.blogspot.com  like,share and subscribe  చేయండి. నా ఇంకో బ్లాగ్  మీకు నచ్చినట్లైతే  wowitstelugu.blogspot.com  like,share and subscribe చేయండి, అలాగే నా  ఇంకో బ్లాగ్ teluguteevi.blogspot.com  like,share and  చేయండి. 
Also see my  You tube  channel  bdl tv  like, share ,subscribe  and  కామెంట్  చేయడం మర్చిపోకండి  థాంక్యూ. 
మీ like, share ,subscribe మాకు కొంత సపోర్ట్ గా  ఉంటుంది.