wowitstelugu.blogspot.com
స్వరలక్ష్మి చలన చిత్ర అభినయన లక్ష్మి-ఎస్.వరలక్ష్మి
స్వరలక్ష్మి చలన చిత్ర అభినయన లక్ష్మి-ఎస్.వరలక్ష్మి
 |
| S.Varlakshmi Great Singer and Actress |
ఎస్.వరలక్ష్మి 1925 ఆగష్టు 13, జగ్గం పేటలో జన్మించారు. తెలుగు తమిళ సినిమాలలో నటీమణి, మరియు గొప్ప గాయకీమణి. యస్.వరలక్ష్మి గూడవల్లి రామ బ్రహ్మం ప్రోత్సాహం తో బాలనటిగా సినిమారంగంలోకి అడుగు పెట్టింది.
- అలనాటి తెలుగు కథానాయిక, సత్యహరిశ్చంద్రలో చంద్రమతిగా, లవకుశ లో భూదేవిగా ఆమె పోషించిన పాత్రలు ప్రేక్షకులకు అలరించాయి.
- "మహా మంత్రి తిమ్మరుసు", వెంకటేశ్వర మహత్యం లో ఆమె పాటలు మంచి పేరు తెచ్చుకున్నాయి .
- తమిళం లో " వీరపండియ కట్టబోమ్మన్ లోశివాజీ భార్యగా నటనలలో ఆ కాలము లో చాల బాగుందని పేరు.
- వయ్యారి భామలు వగలమారి భర్తలు, ముద్దుల కృష్ణయ్య తదితర పలు తెలుగు చిత్రాలతో పాటు వీరపాండ్య కట్టబొమ్మన్, పణమా పాశమా, గుణ వంటి ప్రఖ్యాత తమిళ చిత్రాల్లోనూ ఆమె నటించారు.
- ప్రముఖ నిర్మాత ఎ.ఎల్. శ్రీనివాసన్ను పెళ్లాడారు. వారికి ఒక కుమారుడు, కుమార్తె కూడా ఉన్నారు
- మొదటి చిత్రం 'బాలయోగిని' (1937) తర్వాత 'రైతుబిడ్డ' (1939)లో పి.సూరిబాబు కూతురుగా నటించింది.
- 'ఇల్లాలు'లో ఆమె పాడిన 'కోయిలోకసారొచ్చి కూసిపోయింది' పాటతో పరిశ్రమలో గుర్తింపు తెచ్చుకుంది.
- ఎస్.రాజేశ్వరరావుతో కలిసి 'శాంత బాలనాగమ్మ' (1942)లో నటించింది.
- ఆ సినిమాలో రాజేశ్వరరావుతో కలిసి పాడిన పాటలు ఈనాడు లభించటం లేదు. తర్వాత 'మాయాలోకం' (1945)లో నటించినా ఆంధ్రలోకానికి బాగా తెలిసింది 'పల్నాటి యుద్ధం' చిత్రంతోనే.
- ఈ చిత్రంలోని పాటల్ని మద్రాసు ఆలిండియా రేడియో వారు రికార్డింగ్ అయిన మరుసటి రోజే ప్రసారం చేశారు. ఆ ఘనత అంతకుముందూ, ఆ తర్వాత కూడా మరెవరికీ దక్కలేదు.
- అక్కినేని నాగేశ్వరరావు పెళ్ళికి కచేరి చేసింది. శివాజీ గణేశన్‌తో కలిసి నటించిన 'వీరపాండ్య కట్టబ్రాహ్మణ్' చిత్రం కైరోలో జరిగిన అంతర్జాతీయ చలనచిత్రోత్సవంలో ప్రదర్శింపబడినపుడు వరలక్ష్మి గాత్రానికి ప్రత్యేక ప్రశంసలు లభించాయి.
- పి.సూరిబాబు, రాజేశ్వరీ ట్రూప్‌లతో కలిసి ఆంధ్రదేశమంతా తిరిగి నాటకాలు వేసింది వరలక్ష్మి. కన్నాంబ ప్రోత్సాహంతో నిర్మాతగా మారి 'వరలక్ష్మీ పిక్చర్స్' ప్రారంభించి తొలిసారిగా 'సతీ సావిత్రి' (1957) నిర్మించింది.
- తెలుగు సినిమా భవనపు పునాదిరాళ్లలో ఎస్.వరలక్ష్మి ఒకరు. ఏ కచేరీలోనూ, ఏ టీవీ ఛానల్ కార్యక్రమాల్లోనూ ఔత్సాహిక గాయనీగాయకులెవరూ వరలక్ష్మి పాటల్ని ఎన్నుకుని పాడరు. ఎందుకంటే అవి పాడటం కష్టం.
నేపథ్య గాయని ఎస్.వరలక్ష్మి (84) మంగళవారం రాత్రి చెన్నై మహాలింగపురంలోని స్వగృహంలో సెప్టెంబర్ 22, 2009 రాత్రి 11 గం.లకు తుదిశ్వాస విడిచారు. మంచం మీద నుంచి పడినందువల్ల తీవ్రమైన వెన్నుపోటుతో ఆరు నెలలు బాధపడ్డారు.
ప్రతిభకు ప్రతీకగా నిలిచిన ఈ నట శిరోమణి భౌతికంగా దూరమైనా అభినయ స్వరలక్ష్మిగా ప్రేక్షకుల హృదయాల్లో ఎప్పటికీ జీవించే వుంటుందనడంలో ఎలాంటి సందేహంలేదు.
యస్.వరలక్ష్మి తన గాత్రాన్ని అందించిన చిత్రాలు
- సత్య హరిశ్చంద్ర (1965)
- మహామంత్రి తిమ్మరుసు (1962)
- సతీ సక్కుబాయి (1954)
- స్వప్న సుందరి (1950)
- జీవితం (1949)
- బాలరాజు (1948)
- పల్నాటి యుద్ధం (1947)
- మాయాలోకం (1945)
యస్.వరలక్ష్మి నటించిన చిత్రాలు
- శ్రీరామచంద్రుడు (1989)
- మదన మంజరి (1980)
- గుణ (1992)
- అభిమానవతి (1975)
- నథయిల్ ముత్తు (1973)
- బాలభారతం (1972)
- బొమ్మా బొరుసా (1971)
- ప్రేమనగర్ (1971)
- ఆదర్శ కుటుంబం (1969)
- అపూర్వ పిరవైగళ్ (1967)
- భామా విజయం (1967)
- శ్రీకృష్ణావతారం (1967)
- శ్రీకృష్ణ పాండవీయం (1966)
- సత్య హరిశ్చంద్ర (1965)
- భబృవాహన (1964)
- లవకుశ (1964)
- శ్రీకృష్ణార్జున యుద్ధం (1963)
- మహామంత్రి తిమ్మరుసు (1962)
- అభిమానం (1960)
- శ్రీ వేంకటేశ్వర మహాత్మ్యం (1960)
- వీరపాండియ కట్టబొమ్మన్ (1959)
- మాంగల్యబలం (1958)
- చక్రవర్తి తిరుమగళ్ (1957)
- సతీ సావిత్రి (1957)
- కనకతార (1956)
- ఎత్తిరపరదత్తు (1954)
- సతీ సక్కుబాయి (1954)
- సౌదామిని (1950)
- స్వప్నసుందరి (1950)
- వాలి సుగ్రీవ (1950)
- జీవితం (1949)
- బాలరాజు (1948)
- పల్నాటి యుద్ధం (1947)
- మాయాలోకం (1945)
- రైతు బిడ్డ (1939)
- సేవాసదన్ (1938)
