ఫాల్గుణ శుద్ధ ఏకాదశి ని అమలక ఏకాదశి అని ఎందుకంటారు ? అమలక ఏకాదశి వైశిష్ట్యం గురించి తెలుసుకోండి?
ఫాల్గుణ శుద్ధ ఏకాదశి వివరణలో ‘ఆమలకే వృక్షే జనార్థనః’ అని ఆమాదేర్‍ జ్యోతిషీ అనే గ్రంథంలో అభివర్ణించారు.
అధిక మాస ప్రశంస లేని సాధారణ సంవత్సరాల్లో మనకు ఇరవై నాలుగు ఏకాదశులు వస్తాయి. ఆ ఇరవై నాలుగు ఏకాదశులకు ఇరవై నాలుగు వివిధ నామాలు ఉన్నాయి. విష్ణువు చర్యలను బట్టి శయనైకాదశి, పరివర్తనైకాదశి, ప్రబోధిన్యేకాదశి, వ్రత నియమాన్ని బట్టి నిర్జలైకాదశి, ఫలైకాదశి, వీర పూజనాన్ని బట్టి భీష్మైకాదశి, ఇంద్రైకాదశి వంటివి ఏర్పడ్డాయి. కానీ, అన్నింటిలోకి ఒక కాయ పండుతో సంబంధించిన ఏకాదశి ఆమలైకాదశి ఒక్కటే. ఏకాదశి వంటి గొప్ప తిథిలో ఉసిరిని జత చేయడం వల్లనే ఆమలకిలో ఏదో విశిష్టత ఉందని భావించవచ్చు. మన తెలుగు సంప్రదాయంలో కొన్ని పండుగలు వచ్చే నెలలో కొన్ని ఫలాలు పూజనీయం, వరణీయమై భాసిల్లుతున్నాయి. వాటిని ఆయా తిథుల్లో భుజించాలని మన పెద్దలు ఆరోగ్యరీత్యా నియమం విధించారు. ఆయా తిథి నియమాలను అనుసరించి ఆహారాన్ని, ఫలాలను తీసుకోవడం వల్ల ఎనలేని ఆరోగ్యం చేకూరుతుంది. ఈ క్రమంలోనే చైత్ర మాసంలో అశోక కలికా ప్రాశనం, ఫాల్గుణ మాసంలో ఆమ్రపుష్ప భక్షణం, కార్తీకంలో బిల్వపత్ర పూజ, ఆశ్వయుజంలో శమీ వృక్ష పూజ వంటి వాటి వల్ల మనుషులకు ఆరోగ్యం చేకూరుతుంది.
👉అమలక ఏకాదశికే ధాత్రీ ఏకాదశి , అమృత ఏకాదశి అనే నామాంతరాలున్నాయి, ‘ ఆమలక వృక్షే జనార్దనః ’అంటారు కనుక ఈ రోజు ఉసిరి చెట్టు కింద లక్ష్మీనారాయణులను పూజిస్తే అధిక ఫలితం ఉంటుంది. ఈ రోజు ఏ దానం చేసినా అది అక్షయమవుతుంది.
👉 కొన్ని సంప్రదాయాలవారు ఈ రోజున సంపదలనిచ్చే లక్ష్మీదేవిని పూజిస్తారు. ఈ రోజున లక్ష్మీదేవి ఉసిరి చెట్టులో ఉంటుందని భావిస్తారు. అలాగే ద్వాపరయుగంలో శ్రీకృష్ణుడు , రాధ ఈ చెట్టు సమీపంలోనే నివసించారనేది ఒక కథ.
👉కార్తీక మాసంలో ఉసిరికాయల ప్రస్తావన వస్తుంది. ఉసిరి కొమ్మతెచ్చి పూజ చేయడం , ఉసిరికాయ దీపాలు వత్తులు వెలిగించడం , ఉసిరి చెట్టు కింద భోజనం చేయడం వంటి పలు రకాల క్రియలు చేస్తారు , మళ్ళీ ఉసిరి ప్రస్తావన కనబడేది ఫాల్గున మాసంలో ఉసిరి ఎంతో ప్రశస్తమైనది. దీనిలో ఎన్నో ఔషధ గుణాలున్నాయి. ఇక చైత్ర మాసంలో కాసే ఉసిరి పండ్లకు ఒక ప్రత్యేకమైన ఔషధ గుణముంటుందని, వాటి కోసం ప్రత్యేకంగా వెతుకుతుంటామని ఒక వైద్య గ్రంథాన్ని ఉటంకిస్తూ ఒక ఆయుర్వేద వైద్యుడు తెలిపారు. కొన్ని ప్రాంతాల్లో ఈ రోజునే హోళీ ఉత్సవాలకు ప్రారంభ దినంగా భావిస్తారు. ఆంధ్ర ప్రాంతం లోని గోదావరీ తీర వాసులు దీనిని కోరుకొండ ఏకాదశిగా వ్యవహరిస్తారు.
👉ఈ రోజు కోరుకొండలోని నరసింహ స్వామి ఆలయంలో విశేష పూజలు , తిరునాళ్ళు జరుగుతుంది. దీనికి అధిక సంఖ్యలో జనం వస్తారు. అన్ని పండుగ దినాలకూ సంబంధించి ఉన్నట్టే ఈ పర్వానికి సంబంధించి కథలు ఉన్నాయి.
01 దీనికి సంబంధించిన కథ:
దీని గురించి బ్రహ్మాండ పురాణంలో వశిష్ఠుడు చెప్పినట్లుగా ఉందని విజ్ఞులు చెబుతారు. దాని ప్రకారం విదిష రాజ్య ప్రభువైన చిత్రరథుడు విష్ణు భక్తుడు. అతని రాజ్య ప్రజలు కూడా విష్ణు భక్తులే. ఒక ఏడాది అతను , కొంత మంది భక్తులతో ఒక నదీ తీరంలో ఉన్న ఒక అమలక (ఉసిరిక) వృక్షం వద్ద విష్ణు పూజ చేశాడు. దీనిలో భాగంగా రాజు పరశురామావతార విష్ణువును కూడా పూజించాడు. వారందరూ ఉపవాసం ఉండి రాత్రంతా విష్ణు భజనలు పాడుకుంటూ జాగరణం చేశారు. ఆ సమయంలో ఎటువంటి వేట దొరక్క ఉపవాసం ఉన్న ఒక వేటగాడు కూడా వారితోబాటు రాత్రంతా జాగారం చేశాడు. ఆ కారణంగా అతను మరు జన్మలో రాజుగా జన్మించాడు. అతనికి వసురథుడని పేరు పెట్టారు. అతను కూడా వేట మైకంలో రాక్షసుల బారిన పడడం ఒక దివ్య శక్తి చేత* రక్షించబడటం వంటివన్నీ జరిగాయని చెబుతారు. గత జన్మలో చేసిన అమలక ఏకాదశి ఫలితంగా అతనికి ఈ జన్మలోనూ రక్షణ లభించిందని చెబుతారు.
👉 ఎటువంటి కోరిక లేకుండా పూర్తి భక్తితో ఈ రోజు విష్ణు పూజ చేస్తే పైన చెప్పిన విధంగా ఈ జన్మలోనూ, వచ్చే జన్మలోనూ విశేష ఫలితం ఉంటుందని చెప్పడం ఈ కథ యొక్క ఉద్దేశం.
02 దీనికి సంబంధించిన కథ:
ప్రళయ కాలంలో సృష్టి అంతా జలయమయం అయినటువంటి తరుణంలో బ్రహ్మదేవుడు శ్రీమహావిష్ణువును గురించి కఠోరమైన తపస్సును ఆచరిస్తున్నాడు. ఆ తరుణంలో శ్రీ మహావిష్ణువు బ్రహ్మదేవుడికి కనిపించగానే బ్రహ్మదేవుడి యొక్క కన్నుల నుండి ఆనంద భాష్పాలు జారి భూమి మీద పడ్డాయి. ఆ ఆనంద భాష్పాల నుంచే ఉసిరిక చెట్టు ఆవిర్భవించిందని పురాణాలలో వర్ణించడం జరిగింది. ఉసిరిక చెట్టు మొత్తం శ్రీ మహావిష్ణువు వ్యాపించి ఉంటాడని స్కాంద పురాణంలో వర్ణించడం జరిగింది. అందువల్ల ఫాల్గుణ శుద్ధ ఏకాదశి నాడు (అమలక ఏకాదశి) ఎవరైతే ఉసిరి చెట్టు ఆరాధన చేస్తారో, ఎవరైతే ఉసిరిక చెట్టు క్రింద శ్రీమహా విష్ణువు యొక్క చిత్రపటం కానీ, కృష్ణ పరమాత్మ పటం కానీ ఉంచి అర్చన చేస్తారో వారికి శ్రీ కృష్ణ పరమాత్మ యొక్క/శ్రీ మహావిష్ణువు యొక్క అనుగ్రహం పరిపూర్ణంగా కలుగుతుందని పురాణాలలో, శాస్త్రాలలో వర్ణించడం జరిగింది.
అమలక (ఉసిరిక) ఏకాదశి వైశిష్ట్యం:
ఉప్పు తప్ప మిగతా అన్ని రసాలు ఉసిరికలో ఉన్నాయి అని మన వైద్య గ్రంథాలన్నీ ఎలుగెత్తి చెబుతున్నాయి. ఇది మహత్తరమైన ఔషధీ గుణాలు గల ఫలం. అమృతాఫలం అనే గ్రంథంలో నలభై పేజీల్లో కేవలం ఉసిరిక ఔషధీ గుణాల గురించే ఉందంటే దీని ప్రశస్తిని అర్థం చేసుకోవచ్చు. అలాగే, ఫలజాతులు అనే గ్రంథంలోని యాభై పేజీల్లో దీని సర్వాంగాల గురించి వర్ణనలు ఉన్నాయి. వైద్యం, పారిశ్రామికంగా దీని ఉపయోగాల గురించి, వాగ్భటంలో పుంజీల కొద్దీ శ్లోకాలలో దీని రసాయనిక, కాయకల్పాది చికిత్సోపయోగాలను విపులీకరించారు.
- అమలక ఏకాదశి నాడు ఉసిరిక పూజ చేస్తే విష్ణు మూర్తి అనుగ్రహం పరిపూర్ణంగా కలుగుతుందని పురాణాలలో, శాస్త్రాలలో వర్ణించడం జరిగింది.
- అమలక ఏకాదశి నాడు చేసిన దానం వాజపేయం , సోమయజ్ఞంలో చేసిన దానంతో సమానమని చెబుతారు.
- అమలక ఏకాదశి నాడు పూజించే అమలక వృక్షం ఎన్నో ఔషధ గుణాలు కలిగి ఉన్నదనేది అందరికీ తెలిసిందే. దానికి ఎన్నో విశేష లక్షణాలు ఉన్నాయి.
- (అమలక) ఉసిరి వృద్ధాప్యం త్వరగా రాకుండా కాపాడుతుంది
- ఉసిరి గొంతు నొప్పి , హృద్రోగాలు పిత్తాశయంలో రాళ్లు , అల్సర్లు , కామెర్లు , నొప్పులు , దురదలను , పేలను నివారిస్తుంది , జీవ క్రియలు వేగంగా జరిగేలా చేస్తుంది
- ఉసిరి రక్తంలో చక్కెర స్థాయిలను తగ్గిస్తుందని జీర్ణ క్రియకు ఉపయోగించే పీచు పదార్థం దీనిలో ఎక్కువని సైన్స్ లో తెలుసుకున్నాం కదా.
- ఉసిరి ఇది మలబద్ధకాన్ని నివారిస్తుంది , రోగ నిరోధక శక్తిని పెంచుతుంది
- ఉసిరి కంటి చూపును మెరుగు పరుస్తుంది, రక్తాన్ని వృద్ధి చేస్తుంది , ఎముకలకు బలం చేకూరుస్తుంది, శరీరాన్ని చల్లబరుస్తుంది, కేన్సర్‌ వచ్చే అవకాశాలను తగ్గిస్తుందని ఆధునిక శాస్త్రాలు కూడా చెబుతున్నాయి
- ఉసిరి లివర్‌ను కాపాడుతుందని, శరీరానికి కాంతిని ఇస్తుందని, జుట్టు నెరవడాన్ని అరికడుతుందని చెబుతారు.
- అంతేకాక ఉసిరి కాయ 'తెల్ల ప్లేగు' అనే క్షయ వ్యాధి రాకుండా ఇది కాపాడుతుందని కూడా ఆయుర్వేదం చెబుతోంది.
- ఉసిరికాయలో విటమిన్‍ 'సి' పుష్కలంగా ఉంటుంది. ఇది ఆరోగ్యానికి చాలా మేలు చేస్తుందని ఆధునిక జీవ శాస్త్రం చెబుతుంది.
- ఆయుర్వేదంలో పేర్కొనే 'చ్యవన్‍ప్రాశ' ఔషధాన్ని ఉసిరి కాయల నుంచే తయారు చేస్తారు.
- 2 చెంచాల ఉసిరి పొడిని 2 చెంచాల తేనెలో కలుపుకుని రోజూ 3 లేదా 4 సార్లు తాగితే జలుబు రాదు.
- ఉసిరి కాయలు తరచూ తీసుకోవడం వల్ల శరీరంలోని 'అదనపు కొవ్వు' ను కరిగించుకోవచ్చు. బరువు కూడా తగ్గించుకోవచ్చు.
- ఉసిరికాయను నిత్యం ఏదో రూపంలో తీసుకోవడం వల్ల రోగనిరోధక శక్తి పెరుగుతుంది.
అమలక ఏకాదశి రోజు నాడు చేయవలసిన ప్రత్యేక పూజ విధానం
ఈ రోజు ఉసిరిక చెట్టు దగ్గర పూజ చేయడం ప్రత్యేకత. భక్తి శ్రద్ధలతో ఓం నమో నారాయణాయ అని స్మరిస్తూ ఉసిరిక చెట్టు మొదట్లో నీళ్ళను పోయాలి. ఆ తర్వాత చెట్టునకు పసుపు , కుంకుమ , గంధం, పూలతో అలంకరించి , దీపం , ధూపం , అరటి ఆకులో అరటిపండు నైవేద్యం పెట్టిన తర్వాత చెంబులో కొన్ని నీళ్ళను పోసుకుని అందులో తెల్లని దారం ఉండను వేసి దారాన్ని పచ్చగా తడవనిచ్చిన తర్వాత పచ్చగా పసుపునీటిలో తడిసిన ఆ పసుపు దారాన్ని ఉసిరిక చెట్టునకు సవ్య దిశగా ప్రదక్షిణలు చేస్తూ చుట్టునకు ఓ ఆకు వరస చొప్పున పదమూడు చుట్లు శ్రీ మహావిష్ణువును స్మరించుకుంటూ చుట్టిన దారాన్ని నిష్కల్మషమైన మనస్సుతో ముడి వేయాలి.
ధాత్రిదేవి నమస్తుభ్యం సర్వపాప క్షయంకరి !
👉 ఈ శ్లోకంలో ఉన్న అర్థాన్ని మనం పరిశీలించినట్లయితే ఉసిరిక చెట్టును సాక్షాతూ తల్లి రూపంగా ఈ శ్లోకంలో వర్ణిస్తున్నారు. తల్లిలాంటి ఉసిరిక చెట్టుకు ఈ శ్లోకాన్ని చదువుతూ పూజ చేస్తే ఉసిరిక చెట్టు యొక్క అనుగ్రహం ద్వారా అద్భుతమైన తేజస్సును, యశస్సును పెంపొందింప జేసుకోవటంతో పాటుగా ధనప్రాప్తిని పొందవచ్చు.
👉 ప్రతి ఒక్కరూ కూడా ఈ రోజు ఉసిరిక చెట్టు దగ్గరకు వెళ్ళి, చెట్టు మొదట్లో నీళ్ళు పోసి, ఉసిరిక చెట్టుకు పసుపు, కుంకుమ, గంధము అలంకరించి పసుపు రంగు దారాన్ని తీసుకొని ఉసిరిక చెట్టుకు 13 సార్లు చుడుతూ ముళ్ళు వేయాలి. ఆ తర్వాత ఉసిరిక చెట్టు చుట్టూ పదమూడు ప్రదక్షిణలు చేయాలి.
👉 ఈ శ్లోకం చదువుకుంటూ ప్రదక్షిణ చేస్తూ చివరిగా “ఓం విష్ణు రూపిణ్యై దాత్ర్యై నమః” అని ప్రతి ఒక్కరూ కూడా చదువుకోవాలి. ఆవిధంగా ఉసిరిక చెట్టును పూజించిన తరువాత ఏకాదశీ వ్రతాన్ని ఆచరిస్తే జన్మ జన్మాంతర పాపాలన్నీ పటాపంచలౌతాయి. పసుపు రంగు పుష్పాలతో ఉసిరిక చెట్టుకు పూజ చేయాలి.
👉 భగవంతుడు భక్తుడి యొక్క ప్రేమతో కూడుకున్న పిలుపునకు స్వామి వారు అత్యంత ఇష్టపడతాడు. ప్రతీ ఏకాదశి రోజున ఉపవాసం చేసిన వారి ఆరోగ్యానికి ఎంతో మేలు చేస్తుంది. శారీరక పుష్టి , శక్తి ఉన్నవారు నెలలో వచ్చు రెండు ఏకాదశులలో ఉపవాసం ఉంటూ ప్రతి నెల చేస్తే సంపూర్ణ ఆరోగ్యంతో పాటు నారాయణుడి అనుగ్రహానికి పాత్రులు అవుతారు.
👉 ఏకాదశి రోజు ఉపవాసం ఉండాలని కొంత మందికి కోరిక ఉంటుంది. కానీ శారీరక పుష్టి లేని వారు కొబ్బరి నీళ్ళు త్రాగుతూ కూడా ఉపవాసం చేయవచ్చును. భగవంతుడు తనపై భక్తి కావాలనే కోరుకుంటాడు , సాటి జీవులలో ప్రతి పనిలో తనను చూడగలిగితే చాలు అని స్వామి వారి ఉద్దేశం అది గ్రహించి వ్యవహారించగలిగితే చాలు.
ఈ క్రింది వీడియో యు. ఆర్.యల్.ల లో అమలక ఏకాదశి గురించి తెలుసుకోండి.
దయచేసి క్రింది ఉదహరించిన నా బ్లాగులు, ఛానళ్ళు, ఫేస్బుక్ పేజీలు గ్రూప్ లు చూడండి లైక్ ,షేర్. నోటిఫికేషన్ కోసం సబ్స్క్రయిబ్ చేయండి,
My blogs:
Wowitstelugu.blogspot.com
https://wowitstelugu.blogspot.com
teluguteevi.blogspot.com
https://teluguteevi.blogspot.com
wowitsviral.blogspot.com
https://wowitsviral.blogspot.com
Youtube Channels:
bdl 1tv (A to Z info television),
https://www.youtube.com/channel/UC_nlYFEuf0kgr1720zmnHxQ
bdl telugu tech-tutorials:
https://www.youtube.com/channel/UCbvN7CcOa9Qe2gUeKJ7UrIg
My Admin FaceBook Groups:
Hinduism, Hindu culture and temples హిందుత్వం,హిందూ సంప్రదాయాలు, ఆలయాలు
https://www.facebook.com/groups/dharmalingam/
Humanity, Social Service/ మానవత్వం / సంఘసేవ
https://www.facebook.com/groups/259063371227423/
Graduated unemployed Association
https://www.facebook.com/groups/1594699567479638/
Comedy corner
https://www.facebook.com/groups/286761005034270/?ref=bookmarks
Wowitsinda
https://www.facebook.com/groups/1050219535181157/
My FaceBook Pages:
Educated Unemployees Association:
https://www.facebook.com/iamgreatindian/?ref=bookmarks
Hindu culture and traditional values
https://www.facebook.com/iamgreatindian/?ref=bookmarks
My tube tv
https://www.facebook.com/My-tube-tv-178060586443924/?modal=admin_todo_tour
Wowitsviral
https://www.facebook.com/Durgagenshvizag/?modal=admin_todo_tour
My email ids:
